南屯區 大墩國小 江孟聰 2018-11-30 報導

了解 接納 守住真愛

為期八週的得勝者課程佇今仔日辦理結業式,真感謝社團法人中華民國得勝者教育協會為大墩國小六年級學生安排「真愛守門員」的課程。學生佇六禮拜的課程安排之下,學習著按怎尊重別人,接納別人,和別人建立友誼。而且認捌保護家己的身體,針對網路頂一寡陷阱和迷思,嘛攏有紹介。
八週的課程每一班選出前六名,由施富薇校長頒獎。每一班嘛派一個代表讀出的感想,逐家攏非常感謝講解老師所帶予的智識,感覺誠珍惜,佇最後閣有小朋友毋甘和老師離別煞哭出來,得勝者志工媽媽緊共囡仔攬咧惜惜,我想這一定是學生囡仔兄感受著志工媽媽認真上課所自然的表達,會使講課程安排非常的成功,逐班的小朋友盡心盡力將感恩的心畫出來,志工媽媽看著誠感心,當然,大墩國小嘛非常感謝協會的付出!多謝,勞力!